Friday, June 14, 2013

ආදරණීය ගෝර්කි... Dear ' Maxim Gorky '...

කාලය කොච්චර නම් දුර ගිහින් ද.?ඒත් නුඹ...තවමත් එදා වගේමයි.හැබෑ ලෝකයේදී නොවුනත් මිනිස්සුන්ගේ හිත් ඇතුලේ ජීවත් වෙන නුඹ මීට වසර 77 කට උඩදී උන්න විදියටම ජීවත් වෙනවා.
එකාතකට පුදුම වෙන්න දෙයකුත් නෑ.මොකද නුඹ හැමදාම වෙහෙසුනේ,අකුරු කලේ පීඩිත පන්තියේ මිනිස්සු ගැන...එහෙම නැතිව පාලකයන්ට ප්‍රශස්ති ගායනා කරමින් වන්දි භට්ටකම් කලානම් කවමදාකවත් නුඹ මිනිස්සුනගේ හිතේ මෙතරම් කාලයක් ජීවත් වෙන්නේ නෑ.ඒක සහතිකයි.
නුඹට කවමදාවත් සුන්දර ලමාවියක් නොතිබුනත් නුඹ ඒවා ගැන අකුරු කලේ,අනාගත පරම්පරාවක කිසිවෙකුට එහෙම ලමාවියක් නොතිබෙන තැනට වැඩකරන්න...ලමා වියෙන් පස්සේ වින්ද කටුක දුක් කම්කටොළු ගැන නුඹ අකුරු කලා.ඒ දුක් විඳින පීඩිත පන්තියට සවියක් වෙන්න...ඔවුන් ගැන ලෝකයාගේ ඇස් අරවන්න.එහෙම බලද්දි නුඹ ලියපු හැම අකුරක් ගානෙම තියෙන්නේ නුඹේ ජීවිතේ කතාව වෙන්නැති.

      ජීවිතේ අනාගතය වෙනුවෙන් අපමණක් දුක් විඳින හැම දෙනාටම,ජීවිතේ ගොඩනගාගන්න නුඹේ ජීවිත කතාව සරසවියක් වගේ දැනුම දෙනවා.ඒත්...වර්තමානයේ නුඹව වත්මන් පරම්පරා අතරින් ගිලිහිලා ගිහින්දෝ කියලා වෙලාවකට සැක හිතෙනවා.ඒක එහෙම නම් එහෙම වෙන්නේ ඔවුන්ගේ අවාසනාවට වෙන්න ඇති...

 නුඹ අකුරු කල,නුඹ විශ්වාස කල සත්‍යය පාලකයන්ට තර්ජනයක් උනා.ඒ හින්දම නුඹට සිරගත වෙන්න වගේම සෝවියට් දේශයෙන්ද කාලයකට ඈත්වී ඉන්නට උනා.ඒත් නුඹව සිරගත කල කිසිවෙකුට නුඹේ සිතුවිලි නම් සිරගත කරන්නට බැරි උනා.සිර දඬුවම් විඳ එලියට ආපු නුඹ සුපුරුදු විදියටම පීඩිත පන්තිය වෙනුවෙන් අකුරු කලා.වර්ථමානයේ නම්බුනාම,රුපියල් සත වලට තමන්ගේ ප්‍රතිපත්ති හා විශ්වසයන් පාලකයන් ලඟ පාවා දෙන අපේ ඇතැම් උදවියට නුඹ දුන්නේ මහා ආදර්ශයක්...


"...මිනිසා එකිනෙකාට ගරු කරන දවස එළඹෙයි..එදාට සෑම මිනිසෙකුම තරු මෙන් දිලිසෙන බව මම දනිමි..සිය නිදහස පෙරටු කොට,විවෘත හදවත් ඇතිව,කෝපයෙන් තොරව,පිරිසිදු හදවත් ඇතිව මිනිසුන් ගමන් කරනු ඇත.
  එදාට මිනිස් ජීවිතය මිනිසාට සේවය කරණු ඇත..ඔහුගේ ප්‍රතිමූර්තිය උසස් වනු ඇත..නිදහස් මිනිසාට සෑම ජයක්ම ලබාගත හැකිය.   
එදාට මිනිසුන් නිදහසේ සත්‍ය ගරු කරමින් ජීවත් වනු ඇත..ලෝකය සිතින් බදාගෙන,එයට වඩාත් ගැඹුරු ලෙස ආදරය කරන අය ඉතාම හොඳ මිනිසුන් හැටියට ගණන් ගනු ඇත..ඉතාම හොඳ මිනිස්සු නිදහස්කාමීන් වනු ඇත..ඔවුහු ඉතාම සුන්දර අය වෙති..එවැනි ජීවිතයකට පා තබන අය ශ්‍රේෂ්ඨ වනු ඇත..."

              (‍අම්මා-ගෝර්කි / උපුටා ගැනීම - 'අකුරු කල සිතුවිලි' බ්ලොග් අඩවිය)

       නුඹ එසේ අකුරු කලේ නුඹ දකින්නට පැතූ,නුඹ යහපත් යැයි විශ්වාස කල ලෝකය හා සමාජය ගැනය.එනමුදු...නුඹ පැතූ එවන් සුන්දර ලෝකය කොහේ කොතැනක තැනේවිද.?මනුස්සකම් තුට්ටු දෙකට ඈවර කරන ලෝකයක එවන් වූ ලොවක් තැනෙන්නට ඉඩ කඩක් තියේවිද.? එය ප්‍රශ්නාර්ථයකි.විශ්වාස කරන එක් දෙයක් ඇත..ඒ නුඹ වැනි සැබෑ මිනිසුන් යලිත් මිහිමත බිහිවිය යුතු කාලය එළඹ ඇති බවය..
.

ආදරණීය ගෝර්කි...මනුෂ්‍යත්වය අගයන මිනිසුන්ගේ සිත් තුල නුඹ මතු මතුත් ජීවමානව හිඳිනු ඇත...මිනිසුන් සැබෑවටම මිනිස්කමේ අරුත හඳුනා ගත් දිතක,නුඹ පැතූ ලෝකය බිහිවනු ඇත...



පසු සටහන -

ලෝක සාහිත්‍යයේ සුවිශේෂි පරිච්ඡේදයක් සටහන් කල ලෝක පූජිත ගත්කරු 'මැක්සිම් ගෝර්කි' ලොවෙන් සමුගෙන ඊයේ දිනට (ජූනි 14) වසර 77 ක් පිරුණි.ගෝර්කිගේ ජීවිත කතාව බොහෝ තැන්වල ලියැවී ඇති නිසා නැවත නැවත ඒ පිළිබඳ ලියන්නට සිතුවේ නැත.ගෝර්කිගේ ජීවිත කතාව පිළිබඳ වැඩිදුර විස්තර පහත සබැඳි ලිපි මගින් කියවිය හැක...

                            http://si.wikipedia.org
                            http://www.danuma.lk
                            http://www.divaina.com

6 comments:

  1. සිංහල විකිපීඩියාවෙ මියගිය දිනය ජූනි 18

    ReplyDelete
    Replies
    1. තවත් එක් ලිපියක තිබුනේ 16 වෙනිදා කියලා.14 කියලා තිබුනේ ඉරිදා ලංකාදීපයේ...

      Delete
  2. ශ්‍රේෂ්ඨ ලේඛකයෙක්...

    ReplyDelete
  3. ලොකේ බිහිවෙච්ච පොළවේ පය ගහපු හොද ලේඛකයෙක්. තව මේ වගේ විස්තර ලියන්න කවදා හරි කාට හෝ උවමනා වේවි...

    ReplyDelete
    Replies
    1. අනිවා...බොහොම ස්තූතියි ගොඩවැදුනට...

      Delete

Popular Posts

Total Pageviews

Powered by Blogger.

Followers

සුළඟ වගේ...... හිටියත් නෑ වගේ...නැතත් හිටිය වගේ....

My Blog List